20. nóv. 2013
Skrímslið litla systir mín kemur út á færeysku
Enn er Skrímslið litla systir mín að leggja land undir fót og ætlar að þessu sinni að heimsækja frændur okkar í Færeyjum. Næstkomandi föstudag, 22. ... [meira]

16. okt. 2012
Skáldsaga eftir Evu Joly kemur út í dag
Skáldsaga Evu Joly og Judith Perrignon kemur í verslanir í dag. Hörkuspennandi saga úr fjármálaheiminum þar sem fléttast saman þræðir stjórnmála, ... [meira]

15. des. 2011
Dæmisögur Esóps besta þýdda barnabókin
Bóksalar veittu í gær verðlaun þeim bókum sem þeim þykja bestar þetta árið. Í þeim hópi var bókin Dæmisögur Esóps sem kosin var besta þýdda ... [meira]

03. feb. 2011
Helgi hlýtur Íslensku bókmenntaverðlaunin
Helgi Hallgrímsson hlaut í gær Íslensku bókmenntaverðlaunin í flokki fræðirita fyrir Sveppabókina. Fyrr í vikunni var bókin tilnefnd til ... [meira]

11. nóv. 2010
Nýjar bækur
Á morgun koma út tvær nýjar bækur hjá Skruddu. Ólafur Haukur Símonarson sendir nú frá sér bókina Ein báran stök sem er mögnuð saga úr íslensku ... [meira]

Skip Navigation Links
Líftaug landsins
Saga íslenskrar utanlandsverslunar 900–2010

Verð kr. 19999,-



Verslun við útlönd hefur um aldir verið burðarás í menningu og atvinnulífi landsmanna. Hún hefur mótað lífskjör og gripið inn í daglegt líf fólks, neysluhætti og stjórnmál. Í þessu riti er í fyrsta sinn sögð heildarsaga íslenskrar utanlandsverslunar og nær hún frá land­námstíð til okkar daga. Leitast er við að segja þessa sögu á lifandi hátt svo að almennir lesendur geti haft af henni gagn og gaman. Kaflar eru fremur stuttir, textinn brotinn upp með rammagreinum og myndefni er ríkulegt.

Í ritinu er fjallað um innflutning og útflutning svo og félagslega, efnahagslega og pólitíska umgjörð utan­landsverslunar. Lesendur finna margt forvitnilegt um framandi kaupmenn og fátæka landsmenn, harðan fisk og mjúka ull, mjöl og öl, brennivín og bjór, við og vax, lýsi og smjör, freðfisk og ál, segl og sjóslys, hafnir og húkkortur, nauðsynjar og neysluvenjur, munað og hungur. Hér segir frá ýmsu nýstárlegu efni og áleitnum spurningum í íslenskri sagnfræði, m.a. verslun Þjóðverja á 16. öld, höfðingjum sem kúguðu alþýðu á 17. öld, áhrifum iðnbyltingar á verslun Íslands, myndun íslenskrar heildsalastéttar, þátttöku Íslands í alþjóðlegu efnahagssamstarfi og áhrifum efnahags­kreppunnar 2008 til 2010 á verslun, svo að eitthvað sé nefnt.

Ritið er í tveim bindum og er samið af fimm þekktum sagnfræðingum. Einn höfundanna, Halldór Bjarnason, féll frá árið 2010 og tók Helgi Skúli Kjartansson við verki hans. Ritstjóri er Sumarliði R. Ísleifsson.
974 bls. | 2 bindi | 280 x 220 | 2017 | ISBN 978-9935-458-66-7
Skrudda hefur gefið út fjölmargar bækur um sögu og sagnfræði. Skoðið nánar hér. [meira]