20. nóv. 2013
Skrímslið litla systir mín kemur út á færeysku
Enn er Skrímslið litla systir mín að leggja land undir fót og ætlar að þessu sinni að heimsækja frændur okkar í Færeyjum. Næstkomandi föstudag, 22. ... [meira]

16. okt. 2012
Skáldsaga eftir Evu Joly kemur út í dag
Skáldsaga Evu Joly og Judith Perrignon kemur í verslanir í dag. Hörkuspennandi saga úr fjármálaheiminum þar sem fléttast saman þræðir stjórnmála, ... [meira]

15. des. 2011
Dæmisögur Esóps besta þýdda barnabókin
Bóksalar veittu í gær verðlaun þeim bókum sem þeim þykja bestar þetta árið. Í þeim hópi var bókin Dæmisögur Esóps sem kosin var besta þýdda ... [meira]

03. feb. 2011
Helgi hlýtur Íslensku bókmenntaverðlaunin
Helgi Hallgrímsson hlaut í gær Íslensku bókmenntaverðlaunin í flokki fræðirita fyrir Sveppabókina. Fyrr í vikunni var bókin tilnefnd til ... [meira]

11. nóv. 2010
Nýjar bækur
Á morgun koma út tvær nýjar bækur hjá Skruddu. Ólafur Haukur Símonarson sendir nú frá sér bókina Ein báran stök sem er mögnuð saga úr íslensku ... [meira]

Skip Navigation Links
Ræktun fólks og foldar
Ævisaga Valgerðar Halldórsdóttur og Runólfs Sveinssonar skólastjóra og landgræðslustjóra

Verð kr. 6990,-



Ræktun fólks og foldar er ævisaga frumkvöðlahjónanna Runólfs Sveinssonar og Valgerðar Halldórsdóttur. Greint er frá uppvexti þeirra, námi og störfum. Bókin er hvort tveggja í senn saga hugsjónafólks sem lagði sitt af mörkum til að efla hag lands og lýðs og saga baráttukonu sem varð ekkja með þrjá unga syni aðeins rúmlega fertug. Runólfur Sveinsson lauk ungur námi frá Landbúnaðarháskólanum í Kaupmannahöfn, varð skólastjóri Bændaskólans á Hvanneyri aðeins 26 ára gamall og átti þar 11 ára giftusamlegan feril. Hann hafði svo ógleymanleg áhrif á nemendur sína að flestum fannst þeir eiga honum að þakka þroska og velgengni sína síðar á ævinni. Á næstum eins árs námsferðalagi sínu um Bandaríkin 1944-1945 kynntist hann ýmsum nýjungum á sviði búvísinda og svo heillaður varð hann af starfi Bandaríkjamanna á sviði landgræðslu að stuttu eftir heimkomuna söðlaði hann um og gerðist sandgræðslustjóri. Hann var frumkvöðull í landgræðslu og á ýmsum sviðum landbúnaðar. Meðal annars átti hann mikinn þátt í vélvæðingu landbúnaðarins um miðja síðustu öld. Runólfur féll frá langt fyrir aldur fram árið 1954, aðeins 44 ára gamall, en hafði afkastað ótúlega miklu. Valgerður Halldórsdóttir fór ung að árum utan til náms í matreiðslu og hússtjórnarfræðum og gerðist að námi loknu fyrsti skólastjóri Húsmæðraskólans að Laugalandi í Eyjafirði, aðeins 25 ára gömul. Eftir að hún giftist Runólfi settist hún að á Hvanneyri og síðar í Gunnarsholti á Rangárvöllum. Var eftir því tekið hversu vel og glæsilega hún stóð við hlið mannsins síns og veitti forstöðu tveimur mannmörgum heimilum á ríkisbúum. Eftir að hann féll frá kom það í hennar hlut að skapa sonum þeirra möguleika til menntunar og þroska. Það tókst henni með atorku og harðfylgi þótt víða væri þröngt í búi hjá Íslendingum á þeim árum.
335 bls. | 170 x 240 mm | 2009 | ISBN 978-9979-655-62-6
Skrudda hefur gefið út fjölmargar ævisögur og endurminningar. Skoðið nánar hér. [meira]
Skrudda hefur gefið út fjölmargar bækur um sögu og sagnfræði. Skoðið nánar hér. [meira]