20. nóv. 2013
Skrímslið litla systir mín kemur út á færeysku
Enn er Skrímslið litla systir mín að leggja land undir fót og ætlar að þessu sinni að heimsækja frændur okkar í Færeyjum. Næstkomandi föstudag, 22. ... [meira]

16. okt. 2012
Skáldsaga eftir Evu Joly kemur út í dag
Skáldsaga Evu Joly og Judith Perrignon kemur í verslanir í dag. Hörkuspennandi saga úr fjármálaheiminum þar sem fléttast saman þræðir stjórnmála, ... [meira]

15. des. 2011
Dæmisögur Esóps besta þýdda barnabókin
Bóksalar veittu í gær verðlaun þeim bókum sem þeim þykja bestar þetta árið. Í þeim hópi var bókin Dæmisögur Esóps sem kosin var besta þýdda ... [meira]

03. feb. 2011
Helgi hlýtur Íslensku bókmenntaverðlaunin
Helgi Hallgrímsson hlaut í gær Íslensku bókmenntaverðlaunin í flokki fræðirita fyrir Sveppabókina. Fyrr í vikunni var bókin tilnefnd til ... [meira]

11. nóv. 2010
Nýjar bækur
Á morgun koma út tvær nýjar bækur hjá Skruddu. Ólafur Haukur Símonarson sendir nú frá sér bókina Ein báran stök sem er mögnuð saga úr íslensku ... [meira]

Skip Navigation Links
Yfir farinn veg með Bobby Fischer

Verð kr. 5999,-



Í þessari bók birtist lifandi og áhrifamikil frásögn af hinum umdeilda Bobby Fischer, allt frá barnæskunni í Brooklyn til banalegunnar á Íslandi. Í bókinni kynnumst við loks manninum á bak við þann Bobby sem hingað til hefur verið heiminum ráðgáta. Hér fáum við í fyrsta sinn heilsteypta mynd af tilfinningum hans og nánu sambandi við móður sína þar sem arfur gyðinga birtist í óvæntu ljósi. Við verðum vitni að því hvernig Balkanstríðið leikur Bobby og umbreytir viðhorfum hans til Bandaríkjanna. Einnig kynnumst við því hvernig kaþólsk viðhorf efla með honum fágæta afstöðu sem enginn mannlegur máttur fær haggað – afstöðu sem á ríkan þátt í því hvernig hann mætir örlögum sínum.

Nokkrar umsagnir:

Sérlega vel skrifuð og áhugaverð frásögn, sem býr yfir sálfræðilegri dýpt og veitir nýja innsýn í þann flókna persónuleika sem duldist að baki goðsögninni. Bókin er sannkallaður happafengur fyrir alla skákunnendur, en hefur jafnframt mun víðari sammannlega skírskotun.
Gyrðir Elíasson

Lýsingarnar á vináttu þeirra og samskiptum eru skrifaðar af hlýju og nærfærni og stíllinn er fádæma flottur, áreynslulaus og áferðarfallegur og sýnir vel færni Garðars sem rithöfundar. Lesandinn hrífst með og heillast af þessum dálítið sérlunda mönnum og það er sjaldgæft en velkomið að fá svo djúpa innsýn í vináttu tveggja fullorðinna karlmanna.
Friðrika Benónýsdóttir, Fréttatíminn 20. nóv.

Mér fannst þetta góð bók og las hana í einum rykk. Það er eiginlega mesta hrós sem ég get gefið nokkru riti.
Benedikt Jóhannesson, Heimur 31. okt.

Sannkallaður yndislestur . . . Höfundur er í raun laus við þá áþján að líta á Fischer sem eitthvert átrúnaðargoð.
Stefán Bergsson, DV 6. nóv.

Ég er búinn að lesa bókina, og hún er stórmerkileg. Hún sýnir Fischer í alveg nýju ljósi: Mannlegan, nærgætinn og vinalegan. Órafjarri ímyndinni um sturlaða snillinginn eða heiftúðuga ofstækismanninn. Öðrum þræði er þetta líka saga um vináttu tveggja manna sem örlögin leiddu saman, eftir öllum kúnstarinnar reglum. -- Garðar er mjög flinkur höfundur og lesendur þurfa ekki að kunna mannganginn til að hrífast með.
Hrafn Jökulsson, Facebook 29. okt.

Í bókinni kynnumst við Bobby Fischer sem einlægum og örlátum vini, skapmiklum og skemmtilegum, íhugulum og hlédrægum. Við kynnumst bókaorminum, náttúruunnandanum, uppreisnarmanninum og mömmustráknum.
Frederic Friedel, aðalritstjóri og stofnandi Chessbase. Chessbase 3. nóv.

199 bls. | 135x210 | 2015 | ISBN 978-9935-458-34-6
Skrudda hefur gefið út fjölmargar ævisögur og endurminningar. Skoðið nánar hér. [meira]