20. nóv. 2013
Skrímslið litla systir mín kemur út á færeysku
Enn er Skrímslið litla systir mín að leggja land undir fót og ætlar að þessu sinni að heimsækja frændur okkar í Færeyjum. Næstkomandi föstudag, 22. ... [meira]

16. okt. 2012
Skáldsaga eftir Evu Joly kemur út í dag
Skáldsaga Evu Joly og Judith Perrignon kemur í verslanir í dag. Hörkuspennandi saga úr fjármálaheiminum þar sem fléttast saman þræðir stjórnmála, ... [meira]

15. des. 2011
Dæmisögur Esóps besta þýdda barnabókin
Bóksalar veittu í gær verðlaun þeim bókum sem þeim þykja bestar þetta árið. Í þeim hópi var bókin Dæmisögur Esóps sem kosin var besta þýdda ... [meira]

03. feb. 2011
Helgi hlýtur Íslensku bókmenntaverðlaunin
Helgi Hallgrímsson hlaut í gær Íslensku bókmenntaverðlaunin í flokki fræðirita fyrir Sveppabókina. Fyrr í vikunni var bókin tilnefnd til ... [meira]

11. nóv. 2010
Nýjar bækur
Á morgun koma út tvær nýjar bækur hjá Skruddu. Ólafur Haukur Símonarson sendir nú frá sér bókina Ein báran stök sem er mögnuð saga úr íslensku ... [meira]

Skip Navigation Links
Skáldaskil
Þríleikur í sex þáttum

Verð kr. 5999,-



Skáldaskil er þríleikur í sex þáttum um samskipti skáldvinanna Einars Benediktssonar og Þorsteins Gíslasonar. Fyrsti hlutinn, Þegar landið vaknar, hefst í Kaupmannahöfn 1896. Þar er Þorsteinn stúdent og lendir í útistöðum við háskólayfirvöld. Dr. Valtýr Guðmundsson dósent og Þorvaldur Pálsson, mágur Þorsteins, koma við sögu. Frá Kaupmannahöfn berst leikurinn til Reykjavíkur þar sem fundum Einars, Þorsteins og Þórunnar Pálsdóttur, unnustu Þorsteins, ber fyrst saman og þeir Einar og Þorsteinn hefja samstarf sem ritstjórar Dagskrár, fyrsta dagblaðs á Íslandi. Leiknum lýkur svo að þeim lýstur saman á opinberum fundi um skáldskap. Þorsteinn segir: Þetta kostar stríð. Annar hlutinn, Þegar skipið kveður, er millispil og hefst um borð á skipi Austur-Indíafélagsins sem það leggst að bryggju í Jómfrúreyjum 1914. Scott landritari kemur um borð til að lýsa fyrir H. N. Andersen skipstjóra og aðaleiganda félagsins áhyggjum eyjarskeggja af yfirvofandi sölu eyjanna úr hendi Danakonungs til Bandaríkjastjórnar. Leikurinn berst upp á land. Hamilton Jackson er í hópi landsölumanna. Stella dóttir landritara vill ólm komast burt með skipinu. Leiknum lýkur með því að símskeyti berst um byssuskotið á Sarajevó og teflir brottför skipsins í uppnám. Þriðji hlutinn, Þegar blóðið syngur, gerist á heimili Þorsteins og Þórunnar að Þingholtsstræti 17 í Reykjavík 1932. Þar segir frá endurfundum Einars og Þorsteins fyrir tilstilli Þorvalds, endurfundum sem áttu sér ekki stað svo vitað sé. Þeir Einar og Þorsteinn rifja með hiki upp úlfúðina frá 1896. Spennan fellur hægt. Þeir tala um heima og geima, einkum um stjórnmál og að endingu mest um skáldskap. Þorvaldur og Þórunn láta einnig í sér heyra og Halldór Kiljan Laxess kemur í heimsókn í lokaþættinum, les gömlu mönnunum pistilinn og leiðréttir kveðskap Einars með léttum brag.
256 bls. | 135x210 | 2020 | ISBN 978-9935-520-00-05
Skrudda hefur á liðnum árum gefið út talsvert af vönduðum íslenskum skáldsögum. Sjáið úrvalið hér. [meira]